Jávohisvuođaduođaštus

Sihke dulkkas ja dearvvašvuođabargiin lea jávohisvuođageatnegasvuohta.
Dat mearkkaša ahte pasieanttat ožžot leat oadjebasat dan hárrái ahte dieđut eai geavahuvvo boastut. Dulka ii galgga oktiige muitalit dieđuid maid lea ožžon dulkonbarggu oktavuođas ja dearvvašvuođabargit eai galgga addit dieđuid earáide go sidjiide geat leat mielde dikšume ja fuolaheame pasieantta.

Doaimmahat áimmahuššá jávohisvuođageatnegasvuođa dan bokte ahte buot bargit geain sáhttá leat oktavuohta pasieanttaiguin dahje geat barget ásahusain gos leat pasieanttat, fertejit vuolláičállit jávohisvuođaduođaštusa. Dat mearkkaša ahte doaimmahat gáibida dakkár duođaštusa ovdal go fitnodat dahje ovttaskas olmmoš bargagoahtá dahje doaibmagoahtá báikkiin gos pasieanttat leat.

Go dearvvašvuođabargit geavahit veahkkin olbmuid geat eai eai virgáduvvon, de fertejit álo dárkkistit ahte jávohisvuođaduođaštus lea vuolláičállojuvvon, geahča Finnmárkku Dearvvašvuođa HF jávohisvuođaduođaštus.pdf
(pdf dárogillii)

Finnmárkku Dearvvašvuohta HF lea ráhkadan sierra johtočállosa dan birra mo jávohisvuođageatnegasvuohta galgá ipmirduvvot doaimmahagas, geahča JÁVOHISVUOĐADUOĐAŠTUS.pdf (pdf dárogillii)