Eará čovdosat

 

Eará čovdosat go it fáhte dohkkehuvvon sámegielat dulkka

Dearvvašvuođadoaimmahagain lea bajit dási systemaovddasvástádus dulkabálvalusa hárrái mii geavahuvvo gulahallat pasieanttaiguin. Liikká vásihit soames bargit ahte eai fidne sámegielat dulkka, juste dalle go dárbu livččii. Dat sáhttá boahtit das go bargit eai ane vejolažžan geavahit eará dulkka go dakkára mii lea fysalaččat su luhtte, dahje ahte bargit eai dieđe doarvái bures gos ja mo sáhttá dulkka fáhtet dahje lávda dulkonbálvalus ii leat doaimmas dahje bargit eai dovdda dan.

Jus lea dakkár dilis ahte vásiha ahte dulkonbálvalusa vuogádat ii leat doarvái buorre, de bággehallá dearvvašvuođabargi dahkat pragmáhtalaš válljejumi. Dás vuollelis leat pragmáhtalaš válljejumiid ovdamearkkat vuoruhuvvon maŋŋálaga.

Vuoruhuvvon válljejumit:

  1. guovttegielat geas lea vuođđooahppu dulkomis ja geainna juo lea dahkkojuvvon soahpamuš
  2. guovttegielat geainna juo lea dahkkojuvvo soahpamuš
  3. guovttegielat dearvvašvuođabargi

Vuolleahkásaš mánát eai galgga goassege geavahuvvot dulkan. Sii sáhttet dulkot dušše heahtedilis dahje jus lea dearvvašvuođa- ja heakkavárra. Seamma guoská guovttegielagiidda geaiguin ii leat soahpamuš ja lagasolbmuide.