Dulkka bealátkeahtesvuohta

Dearvvašvuođabargit galget diđoštit leaba go pasieanta ja dulka fulkkežagat.

Dulka ii galgga goasse váldit badjelasás doaimmaid main lea bealálaš. Dulkaehtalaš njuolggadusaid mielde galgá son ieš muitalit ahte lea bealálaš. Sáhttá leat vuogas ahte dulka oažžu veahá dieđuid pasieantta birra ovdalgihtii, vai sáhttá sihkkarastit ahte ii leat bealálaš.

Jus fal vejolaš, de berre dulka ovdalgihtii beassat diehtit pasieantta nama vai sáhttá árvvoštallat bealálašvuođa. Dulkkas lea geatnegasvuohta muitalit jus lea bealálaš, ovdamearkka dihte go dulka lea:

  • bealálaš áššis
  • fuolki ovttage bealálažžii
  • náitalan dahje lohpádallan ovttage bealálažžii
  • ovttage bealálačča forminddar dahje kurator
  • ovddastan ovttage bealálačča almmolaš/priváhta áššis

Nu go oainnát, de lea dulkkas geatnegasvuohta dieđihit jus son sáhttá boahtit bealátvuođa dilálašvuhtii Hálddašanlága
§ 6, vuosttaš dahje nuppi lađđasa mielde. Dalle lea bealálaččaid duohken áigot go liikká geavahit dulkka guoskevaš oktavuođas.

Jus pasieanta lea dulkka fuolki de sáhttá dat dagahit ahte pasieanta ii muital buot dárbbašlaš dearvvašvuođadieđuid dearvvašvuođabargiide. Dulka ges sáhttá čiehkat muhtin dieđuid dahje ii dulko buot.