Jávohisvuođageatnegasvuohta

Dulkkas lea jávohisvuođageatnegasvuohta. Go dulka veahkeha dearvvašvuođabargiid sin gulahallamis, de lea dulka dearvvašvuođabargiidlága § 5 mielde definerejuvvon bargoveahkkin. Dalle lea dulkkas seamma jávohisvuođageatnegasvuohta so dearvvašvuođabargiin lea dearvvašvuođabargiidlága § 21 mielde.

Dulkonehtalaš njuolggadusain lea jávohisvuođageatnegasvuohta deaŧalaš oassi ja juohke dulka lea geatnegas čuovvut dan. Sii geat geavahit dulkka sáhttet nappo vuordit ahte dat dahkkojuvvo.

Dearvvašvuođadoaimmahagas lea bajit systemaovddasvástádus dasa ahte gávdno bealuštahtti dulkonbálvalus, ja dát sisttisdoallá ahte sáhttá duođaštit ahte dárbbašlaš jávohisvuođaduođašteamit leat vuolláičállojuvvon. Go dearvvašvuođadoaimmahat dahká soahpamuša dulkkaiguin, de dat sihkkarastá ahte goappaš bealit dihtet mo hearkkes pasieantadieđuid galgá áimmahuššat ja ahte jávohisvuođaduođašteapmi vuolláičállojuvvo.

Go bargit geavahit dulkka ásahusa dulkalisttus, de berre dábálaččat liikká jearrat dulkkas lea go son vuolláičállán jávohisvuođaduođaštusa. Jus dat ii leat dahkkojuvvon ovdal, de ferte dat dahkkojuvvot dalle.

Doaimmahaga HR ossodagas lea ovddasvástádus registreret ja  vurkkodit jávohisvuođaduođaštusaid.

Dáppe logat eambbo Finnmárkku Dearvvašvuođa jávohisvuođageatnegasvuođa birra: Helse Finnmark HF : TAUSHETSPLIKT.pdf

Dáppe gávnnat jávohisvuođageatnegasvuođa skovi: Erklæring om taushetsplikt Helse Finnmark HF.pdf