Dulkka rolla

Dulka lea mielde fuolahan dihte pasieantta vuoigatvuođa sámegillii gulahallat almmolaš dearvvašvuođabálvalusain. Dasa lassin galgá dulka veahkehit dearvvašvuođabargiid nu ahte sáhttet deavdit iežaset diehtojuohkingeatnegasvuođa.

Dulka lea Dearvvašvuođabargiidlága § 5 mielde definerejuvvon veahkkin.

Oppalaš njuolggadusat dulkkaide:

  • Dulka galgá dulkot buot mii boahtá ovdan ságastallamis
  • Dulka ii galgga guođđit, rievdadit ii ge lasihit maide
  • Dulka galgá leat bealátkeahttá dulkondilálašvuođas, ja dulkka iežas oainnut eai galgga váikkuhit dulkoma
  • Dulka lea doppe dulkome, eai ge sus galgga leat eará doaimmat dan oktavuođas. Dulka ii galgga viežžat ja doalvut, ii ge doaimmahit eará bargguid dahje veahkehit eará dearvvašvuođabargiid
  • Dulkkas lea bissovaš jávohisvuođageasku seamma ládje go eará dearvvašvuođabargiin

Dulkageavaheapmi galgá leat siskkilduvvon oassi bálvalusdoaimmas.

 

Filbma čájeha ságastallama doaktára ja pasieantta gaskka go lea dulka vel mielde.